تعملى ايه لو ابنك شرب كلور او مواد سامة

تعملى ايه لو ابنك شرب كلور او مواد سامة

2540     26 / 10 / 2018


لو إبنك شرب كلور أو كلوريكس أو فنيك أو بوتاس أو صودا كاوية أو أى منظفات في البيت

نعمل ايه بسرعه لحد ما نروح لأقرب مركز لعلاج السموم ؟


أولا : ممنوع‬ تماما أخليه يستفرغ أو يقيئ غصب عنه .. يعنى ممنوع اشربه ماية بملح أو لبن ببيض أو ادوس على لسانه علشان يرجع او اديه فحم او اعمله غسيل معده او اديه ملين .. طيب لية ؟؟
* لأنه هيحس بحرقان شديد جدا جدا وساعتها مش هيشرب خالص او هيشرب كمية قليل 
* ممكن يكون شرب شوية ونزلوا ومش قادر يرجعهم ثانى .
يبقى اوعى تعمل له أحداث قىء علشان كده بنعرض المرىء والبلعوم والفم للمادة الكاويه دى تانى وكده بنضره اكتر .. او ممكن يعنى تدخل الماده فى مجرى الهواء وتؤدى بعد ذلك الى التهاب رئوى ..

ثانيا : أشربه فنجان ‫‏لبن‬ وبس (بدون مياة)
- طيب اللبن ليه ما ينفعش مياه ؟
مينفعش مياه علشان هذه المواد الكاوية ممكن تكون حمض أو قلوى .. وممكن يحصل تفاعل مع المياه داخل المعدة وتكون نتيجة التفاعل حرارة شديده تزيد المشكلة .. وتدمر انسجة المعده اكثر واكثر .....
- طيب شوية اللبن الصغيرين دول هيعملوا ايه ؟
هيخففوا شوية من تركيز المادة إلى شربها .. ولو فيه حاجة واقفة فى فمه او البلعوم او المرئ هيحركوها للمعدة
- طيب ليه شوية صغيرين مش نصف كيلو لبن مثلا ؟
علشان ما يحصلش قئ ..وقلنا قبل كده ان احداث قئ فى هذه الحالات خطر شديد جدا

ثالثا : هو ينفع اعادل الماده اللى شربها الطفل ؟
يعنى لو هو شارب حمض أديله قلوى أو العكس علشان أكون ملح وماية. ؟؟ 
طبعا غلط لان نتيجة التفاعل الكيميائي ده حرارة بنسبة كبيرة وده هييبب تدمير الانسجه



رابعاً : نقل الطفل للهواء النقى علشان يقدر يتنفس ..

خامسا : لو المادة الكاويه وقعت على هدومة يقلعها ونغسل جسمه كويس ..

سادساً : لو المادة دى وقعت على عينة اغسلها كويس جدا بالمية لمدة ربع ساعه 

وبسرعه نجرى لأقرب مركز سموم لسرعة اتخاذ الاجراءات الطبيه الازمه للطفل حسب حالته وحسب مدى سمية الماده وحسب الكميه اللى اخذها وحسب المدة اللى اتأخر فيها





موقع أعرف